من الحاجات المهمة جدا اللى لازم أى مدير صيانة أو مهندس صيانة يكون عارفها هى ال Wrench Time أو "زمن المفتاح" - وهو الزمن اللى فنى الصيانة بيستغرقه أمام المُعِدة بيعمل فيها شغل أو إصلاح - أو بالعربي هو الزمن اللى ماسك فيه المفتاح أو العدة وبيشتغل فعلاً
الزمن ده لا يشمل الأزمنة المستغرقة فى إيجاد قطع الغيار وصرفها من المخزن أو إستلام العدة أو إنتظار تعليمات أو إنتظار أوامر شغل أو تصريح عمل أو زمن الذهاب من وإلى مكان العمل أو الراحات
طيب إيه أهمية ال Wrench Time ؟
الدراسات بتشير إلى إن الزمن ده بيتراوح بين 25 : 35 % فى المنشأت الصناعية وإن أعمال التخطيط والجدولة الجيدة لأعمال الصيانة قبل القيام بيها بيساعد فى مضاعفة النسبة دى لأعلى من 50%.
طيب وإيه المشكلة لو زادت النسبة دى؟ هنستفاد إيه يعنى؟
النسبة دى لو زادت من 25 إلى 50 % يعنى بمقدار الضعف بتكون كأنك ضاعفت عدد القوى العاملة عندك أو بمعنى أصح 20 فنى يقدرو يعملو شغل 40 فنى لو ضاعفت نسبة ال Wrench Time
يعنى مثلا لو عندك 10 فنيين بيشتغلوا ب 25% Wrench Time فى وردية 8 ساعات - ده معناه أنهم بيعملو شغل فعلى ساعتين فى اليوم من ال 8 ساعات ( ده طبعا كل واحد فيهم ). طيب لو بالتحسين فى التخطيط والجدولة رفعنا النسبة إلى 50 % - ده معناه إنهم هيعملو شغل فعلى 4 ساعات فى الوردية بدل ساعتين اللى هو شغل 20 فنى عند ال 25%.
ومن هنا بتيجى أهمية التخطيط والجدولة الجيدة والمُسبقة لأعمال الصيانة فى رفع الفعالية والإنتاجية.
لو عايز تعرف أكتر عن التخطيط والجدولة وإزاى ترفع فعالية وإنتاجية عمليات وإدارة الصيانة اللى بدورها بترفع فعالية وإنتاجية التشغيل والمنشأة يبقى أنت محتاج تحضر معانا الراوند اللى جاية من كورس تخطيط وجدولة وإدارة أعمال الصيانة فى RES Global.
هنبدأ السبت القادم 9 يناير بإذن الله - 3 محاضرات فى الإسبوع ( أونلاين لايف تفاعلى ) مساءاً لمدة إسبوعين. لسة فيه فرصة للتسجيل والحضور. 10% خصم ينتهى اليوم. كلمنا دلوقتى للإستعلام والحجز
+201064749611
+201067385500 ( WhatsApp )
info@resglobal.org
www.resglobal.org
www.imrce-egypt.com